მთავარი,სიახლეები

ყირიმში დააკავეს დიჯეი, რომელმაც კარაოკეში უკრაინული სიმღერა ჩართო, შემკვეთი დააჯარიმეს

18.08.2022 • 912
ყირიმში დააკავეს დიჯეი, რომელმაც კარაოკეში უკრაინული სიმღერა ჩართო, შემკვეთი დააჯარიმეს

ლენინის რაიონის სასამართლომ ოკუპირებულ ყირიმში, „რუსეთის შეიარაღებული ძალების დისკრედიტაციისთვის“ კარაოკე ბარის სტუმარი დიმიტრი გაინი დააჯარიმა, დიჯეი იური როდიონოვი კი 10 დღით დააკავა.

ინციდენტი დასახლება შელკინოში, კარაოკე-ბარ „კრაბში“ მოხდა.

„სასამართლოზე გაირკვა, რომ 12 აგვისტოს მოქალაქემ დიჯეის უკრაინული ნაციონალური სიმღერა „დიკოე პოლე“ შეუკვეთა. ამასთან, პროექტორზე გადიოდა რუსეთის შეიარაღებული ძალების მადისკრედიტირებელი ვიდეოგამოსახულება და რუსეთში აკრძალული ნაცბატალიონის, „აზოვის“ სიმბოლია. ბოროტმოქმედმა ბრალი სრულად აღიარა და განმარტა, რომ ძალიან მთვრალი იყო“, – წერს გამოცემა „კომერსანტი“.

„ბოროტმოქმედი“ მოქალაქე სასამართლომ 50 ათასი რუბლით (850 დოლარი) დააჯარიმა.

რაც შეეხება დიჯეის, „კრიმ რეალიის“ ცნობით, მან ბრალი მხოლოდ ნაწილობრივ აღიარა. როდიონოვის თქმით, ის დიჯეის მოვალეობას ასრულებდა, მოქალაქისგან შეკვეთა მიიღო, თუმცა მისთვის უცნობი იყო როგორც სიმღერის, ისე მის კლიპში გამოყენებული ვიდეოს შინაარსი.

როგორც უკრაინული მედია წერს, ოკუპირებული ყირიმის ბარში რეპერ YARMAK-ის 2022 წლის მაისში გამოსული ეს სიმღერა ჟღერდა.

 

გადაბეჭდვის წესი


ასევე: