უკრაინის პრეზიდენტმა, ვოლოდიმირ ზელენსკიმ, 10 აგვისტოს რუსეთის მიერ უკრაინის ოკუპირებულ ტერიტორიებზე მცხოვრებ მოსახლეობას მიმართა და სთხოვა მათ, არ დაუჯერონ ოკუპანტების დაპირებებს.
„რასაც არ უნდა დაგპირდნენ ოკუპანტები, მათი გზა ერთია – ისინი საუკეთესო შემთხვევაში გაიქცევიან, თუ მოასწრებენ. ისინი უკვე გრძნობენ, რომ მოვიდა ხერსონიდან და ჩვენი ქვეყნის სამხრეთიდან გაქცევის დრო. მოვა დრო, როცა ისინი გაიქცევიან ხარკოვიდან, დონბასიდან და ყირიმიდან,“ – განაცხადა ზელენსკიმ.
ქალაქი ხერსონი, რომელსაც უკრაინელებისთვის სიმბოლური და პოლიტიკური დატვირთვა აქვს, რუსეთის არმიამ ომის დაწყებიდან პირველივე კვირაში დაიპყრო. რუსეთი ამ რეგიონში რეფერენდუმის ჩატარებას გეგმავს, რომლის შედეგადაც ხერსონის დამოუკიდებლობას გამოაცხადებს.
ამავე თემაზე:
გზა აღარც წინაა და არც უკან, არსად წასვლა არ შემიძლია – 4 თვე ოკუპირებულ ხერსონში
