გაეროს ეგიდით უკრაინამ, რუსეთის ფედერაციამ და თურქეთმა ხელი მოაწერეს შავ ზღვაში სურსათის კომერციული ექსპორტის შეთანხმებას. აღნიშნულის შესახებ ინფორმაციას გაეროს გენერალური მდივანი, ანტონიო გუტიერეში Twitter-ზე ავრცელებს.
გუტიერეშის თქმით, სტამბულში ხელმოწერილი შეთანხმება მსოფლიოს მილიონობით ადამიანისთვის სურსათის დეფიციტით გამოწვეული კატასტროფის თავიდან არიდებაში დაეხმარება.
„გაეროს ეგიდით უკრაინის, რუსეთის ფედერაციისა და თურქეთის მიერ ხელმოწერილი შეთანხმება ხსნის გზას შავ ზღვაში სურსათის კომერციული ექსპორტისთვის.
ეს დაეხმარება მსოფლიოს მილიონობით ადამიანისთვის სურსათის დეფიციტით გამოწვეული კატასტროფა თავიდან აიცილოს.
ეს არის იმედის, შესაძლებლობისა და შვების შუქურა“, – წერს გაეროს გენერალური მდივანი.
The agreement signed today by Ukraine, the Russian Federation & Türkiye under UN auspices opens a path for commercial food exports from Ukraine in the Black Sea.
It will help avoid a food shortage catastrophe for millions worldwide.
It is a beacon of hope, possibility & relief.
— António Guterres (@antonioguterres) July 22, 2022
შეთანხმება გაეროსა და თურქეთის ორთვიანი მცდელობის შედეგია, უკრაინაში რუსეთის ომით გამოწვეული სურსათის კრიზისის დასაძლევად. ამ დრომდე რუსეთი ბლოკავს უკრაინის პორტებს, რომელთა მეშვეობითაც უკრაინული ხორბალი შავი ზღვის გავლით გადის ექსპორტზე. უკრაინა ხორბლის მეხუთე, ხოლო სიმინდის მეოთხე – უდიდესი ექსპორტიორია მსოფლიოში. რუსეთსა და უკრაინიდან გადატანილი ხორბალი კი, გლობალური ბაზრის 30%-ს შეადგენდა ომამდე.
როგორც „როიტერსი“ წერს, გუტიერეშმა შეთანხმებასთან დაკავშირებით თქვა რომ ეს არის „პაკეტი“ რომელიც აღადგენს უკრაინული მარცვლეულის ექსპორტსაც და ამავდროულად გაადვილებს რუსული მარცვლეულისა და სასუქების გადაზიდვას მოსკოვზე დასავლეთის მიერ დაწესებული მკაცრი სანქციების მიუხედავად.
გუტიერეშმა განაცხადა, რომ შეთანხმება გახსნის დიდი მოცულობის სურსათის კომერციულ ექსპორტს უკრაინის სამი მნიშვნელოვანი – ოდესის, ჩერნომორსკის და იუჟნეს პორტიდან. მისივე თქმით, გაერო შექმნის საკოორდინაციო ცენტრს შეთანხმების განხორციელების მონიტორინგისთვის.
უკრაინის აღმოსავლეთით კვლავ მიმდინარეობს მძიმე საბრძოლო მოქმედებები. რუსეთისა და უკრაინის წარმომადგენლებმა შეთანხმების ხელმოწერის ცერემონიაზე ერთ მაგიდასთან დასხდომაზე უარი თქვეს, ხოლო ორი ქვეყნის დროშები ისე იყო განთავსებული, რომ ერთმანეთისგან შორს ყოფილიყო.
ხელმოწერის ცერემონიას ესწრებოდნენ უკრაინის ინფრასტრუქტურის მინისტრი ალექსანდრე კუბრაკოვი, რუსეთის თავდაცვის მინისტრი სერგეი შოიგუ, თურქეთის თავდაცვის მინისტრი ჰულუსი აკარი, თურქეთის პრეზიდენტი რეჯეფ თაიფ ერდოღანი, გაეროს გენერალური მდივანი ანტონიო გუტიერეში და დელეგაციების სხვა წევრები.
ხელმოწერამდე ცოტა ხნით ადრე, უკრაინის პრეზიდენტის მრჩეველმა, მიხაილო პოდოლიაკმა twitter-ზე დაწერა, რომ უკრაინა ხელს არ აწერდა რუსეთთან, არამედ გაეროსა და თურქეთთან. მან ასევე დასძინა, რომ პროვოკაციის შემთხვევაში უკრაინის მხრიდან იქნება სამხედრო პასუხი.
„უკრაინის მარცვლეულის ექსპორტის“ შესახებ სტამბულის შეთახმებასთან დაკავშირებით. მანამდე.
- უკრაინა არანაირა დოკუმენტს არ აწერს ხელს რუსეთთან. ჩვენ ხელს ვაწერთ შეთანხმებას თურქეთსა და გაეროსთა და ვიღებთ ვალდებულებებს მათ წინაშე. რუსეთ აწერს სარკისებურ შეთანხმებას თურქეთსა და გაეროსთან.
- არავითარი რუსული გემების სატრანსპორტო ესკორტი და რუსეთის წარმომადგენლების არსებობა ჩვენს პორტებში. პროვოკაციის შემთხვევაში, დაუყოვნებელი სამხედრო პასუხი.
- სატრანსპორტო გემების ყოველგვარი შემოწმება, ასეთის არსებობის შემთხვევაში, განხორციელდება ერთობლივი ჯგუფის მიერ თურქეთის წყლებში“, – წერდა მიხაილო პოდოლიაკი.
Regarding the Istanbul agreement “on the export of 🇺🇦 grain”. Previously.
1. Ukraine does not sign any documents with Russia. We sign an agreement with Turkey and the UN and undertake obligations to them. Russia signs a mirror agreement with Turkey and the UN. 1/2
— Михайло Подоляк (@Podolyak_M) July 22, 2022