სიგარეტის ერთ-ერთი უმსხვილესი მწარმოებელი, ამერიკული კომპანია „ფილიპ მორისი“ რუსეთის ბაზრის დატოვებას მიმდინარე წლის ბოლომდე გეგმავს – წერს „ბიბისი“ კომპანიის დირექტორის, იაცეკ ოლჩაკის განცხადებაზე დაყრდნობით.
კომპანიის ყველაზე ცნობილი ბრენდია Marlboro. „ფილიპ მორისი“ ასევე აწარმოებს Chesterfield-ს, Parliament-ს, L&M-სა და სხვა ბრენდებს.
„ახლა რუსეთის მცხოვრებლებს „მალბოროს“ გარეშე დარჩენის საფრთხე ემუქრებათ, რომელიც საბჭოთა პერიოდში უცხოური სიგარეტის სიმბოლო იყო“ – წერს „ბიბისის“ რუსული რედაქცია ტელეგრამზე.
გამოცემის ცნობით, „ფილიპ მორისისთვის“ რუსეთი მეშვიდე დიდი ბაზარია, სადაც მისი პროდუქცია სიგარეტის 27%-ს შეადგენს.
რუსეთის უკრაინაზე თავდასხმის გამო რუსეთის ბაზარი სრულად დატოვა ისეთმა მსხვილმა კომპანიებმა, როგორიცაა: „მაკდონალდსი“, „გუგლი“, „იკეა“, „ნაიკი“ და ა.შ., ხოლო ასობით უცხოურმა კომპანიამ მუშაობა შეაჩერა.
______________
ფოტო: EPA-EFE/LAURENT GILLIERON
