მთავარი,სიახლეები

ესპანეთსა და საფრანგეთში ჰაერის ტემპერატურა 46 გრადუსს მიუახლოვდა – პაპანაქება ევროპაში

18.07.2022 • 1962
ესპანეთსა და საფრანგეთში ჰაერის ტემპერატურა 46 გრადუსს მიუახლოვდა – პაპანაქება ევროპაში

ევროპაში სიცხე მატულობს. მსოფლიო მეტეოროლოგიურმა ბიურომ დღეს,  18 ივლისს, პირველად ისტორიაში, განსაკუთრებული სიცხის გამო გაერთიანებული სამეფოსთვის გაფრთხილების წითელი დონე გამოაცხადა – დიდი ბრიტანეთში ჰაერის ტემპერატურის +40°C-მდე აწევას პროგნოზირებენ.

ამავე დროს, პორტუგალიაში, ესპანეთსა და საფრანგეთში ჰაერის ტემპერატურა დაახლოებით 46 გრადუს ცელსიუსს მიუახლოვდა. მომდევნო კვირაში ევროპის რეგიონის ზოგიერთ ქვეყანაში რეკორდულად მაღალი სიცხისთვის ემზადებიან.

სიცხის გამო საფრანგეთში, ესპანეთში, პორტუგალიასა და სხვა ქვეყნებში მასშტაბურ ტყის ხანძრებს ებრძვიან. ათასობით ადამიანი ევაკუირებულია საცხოვრებელი ადგილიდან.

ესპანეთში გასულ კვირას, ანომალიური სიცხის გამო 360 ადამიანი დაიღუპა.

მოსალოდნელია, რომ ძალიან ცხელი ამინდი გაერთიანებულ სამეფოში ამ კვირის დასაწყისში იქნება, ზოგან ტემპერატურა შესაძლოა 40 გრადუსამდეც ავიდეს. „ექსტრემალური სიცხის” ეროვნული გაფრთხილება 18 და 19 ივლისს ეხება.

„ღამეები, სავარაუდოდ, ასევე თბილი იქნება, განსაკუთრებით ქალაქებში. მნიშვნელოვანია ადამიანები მოემზადონ სიცხისთვის და განიხილონ თავიანთი რუტინის შეცვლა. სიცხის ამ დონეს შეიძლება მოჰყვეს ჯანმრთელობისთვის არასასურველი შედეგები“ – ამბობს მსოფლიო მეტეოროლოგიური ოფისის უფროსი მეტეოროლოგი პოლ გუნდერსენმი.

მეცნიერები განმარტავენ, რომ განსაკუთრებული სიცხის მიზეზი კლიმატის ცვლილებაა.

„სიცხე, რომელიც დღეს ევროპაშია, ძლიერდება ადამიანის საქმიანობით გამოწვეული კლიმატის ცვლილების გამო“, – ნათქვამია კვლევაში, რომელიც გამოქვეყნდა 2019 წლის რეკორდული სიცხის შესახებ საფრანგეთში, World Weather Attribution-ის მეცნიერთა მიერ.

_____________________

ფოტოზე: გვალვის შედეგად გაჩენილი ხანძარი ესპანეთში. ფოტო: EPA-EFE/MARIAM A. MONTESINOS

გადაბეჭდვის წესი


ასევე: