დონეცკის ოლქში, ბახმუტის რაიონში, ქალაქ ჩასივ იარში, რუსეთის სარაკეტო დარტყმის შედეგად დაღუპულთა რაოდენობა გაიზარდა.
უკრაინის სამაშველო სამსახურის 12 ივლისის დილის მონაცემებით, ჩასივ იარში, ხუთსართულიანი კორპუსის ნანგრევებიდან 34 ადამიანის ცხედარი გამოიტანეს, მათ შორის 9 წლის ბავშვის.
მაშველებმა ნანგრევებიდან 9 ადამიანის ცოცხლად გამოყვანა შეძლეს, ისინი ჰოსპიტალში არიან გადაყვანილნი.
უკრაინის სამაშველო სამსახურის ცნობით, ადგილზე მაშველები აგრძელებენ მუშაობას.
ქალაქ ჩასივ იარში კორპუსს რუსეთის საოკუპაციო ძალების მიერ გასროლილი რაკეტები 9 ივლისს, ღამით მოხვდა.
__________________
ფოტოზე: სამაშველო სამუშაოები ქალაქ ჩასივ იარში, დანგრეული კორპუსების ადგილზე
