დიდი ბრიტანეთის დაზვერვის უახლესი ინფორმაციით, რუსეთი ტექნიკის კონცენტრირებას იწყებს სივერსკის მიმართულების ფრონტის ხაზზე, რომელიც რუსეთის ახლანდელი ფრონტის ხაზიდან დაახლოებით 8 კილომეტრში მდებარეობს. უწყების ვარაუდით, რუსეთის არმია, სავარაუდოდ, აჩერებს მარაგების მიღებას დონეცკის ოლქში შეტევის ახალ ოპერაციამდე.
8 ივლისის რელიზში უწყება აღნიშნავს, რომ ამავე დროს, უკრაინის ძალები ხერსონის სამხრეთ-დასავლეთი სექტორში წინსვლას განაგრძობენ.
„სრულიად რეალურია, რომ რუსეთის უახლოესი ტაქტიკური ამოცანა იქნება სივერსკი, რადგან მისი ძალები ცდილობენ წინსვლას ყველაზე მეტად სავარაუდო ოპერატიული მიზნისკენ – სლოვიანსკ-კრამატორსკის რაიონისკენ,“ – წერს დიდი ბრიტანეთის დაზვერვა.
გაერთიანებული სამეფოს თავდაცვა უკრაინაში მიმდინარე მოვლენებზე სადაზვერვო ცნობარს ყოველდღიურად აქვეყნებს. ბოლო დღეების განახლებებში უწყება მიუთითებდა, რომ დონეცკის ფრონტის ხაზზე რუსეთის არმიამ მხოლოდ უმნიშვნელო წარმატებას მიაღწია და დონბასისთვის ბრძოლის მომდევნო გადამწყვეტი მომენტი სლოვიანსკი იქნება.
მთავარი ფოტო: კრამატორსკის რკინიგზის ვაგზალი 8 აპრილს, რუსეთის თავდასხმის შემდეგ/ფოტო:armyinform.com.ua
