ლუგანსკის ოლქის რეგიონული სამხედრო ადმინისტრაციის ხელმძღვანელის, სერგეი გაიდაის განცხადებით, რუსეთის საოკუპაციო ძალები უტევენ ლისიჩანსკის ნავთობგადამამუშავებელ ქარხანას და ქალაქს სისტემატურად ბომბავენ.
მისი თქმით, ოკუპანტები უშედეგოდ ცდილობენ ალყაში მოაქციონ უკრაინის შეიარაღებული ძალები სამხრეთიდან და დასავლეთიდან ლისიჩანსკზე თავდასხმით.
„ლისიჩანსკის მცხოვრებლები თითქმის 24 საათის განმავლობაში იმყოფებიან სარდაფებსა და სახლებში. ქალაქი ინტენსიურად იბომბება“, – განაცხადა გაიდაიმ.
გარდა ამისა, რუსებმა ნაწილობრივ წარმატებით განახორციელეს თავდასხმა ტოპოლევკას რაიონებში და ვოლჩეიაროვკასა და მალორიაზანცევოს ჩრდილოეთ ნაწილში და ცეცხლის ქვეშ აკონტროლებენ ტოპოლევკა-ლისიჩანსკის გზის მონაკვეთს. ამავე დროს, გაიდაი აცხადებს, რომ უკრაინელმა ჯარისკაცებმა შეაჩერეს ოკუპანტების წინსვლა ლოსკუტოვკას, ჟელატინის ქარხნის მიმართულებით და აიძულეს ისინი უკან დაეხიათ.
