ნეტგაზეთი • RU

„დინამო ბათუმი“ ხვალ თბილისის „დინამოს“ დაუპირისპირდება

ხვალ, 29 ივნისს, „დინამო ბათუმი“ საკუთარ მოედანზე თბილისის „დინამოს“ შეხვდება. საქართველოს ჩემპიონატის მესამე წრის მეორე ტურის მატჩი ბათუმი არენაზე გაიმართება.

მატჩი თბილისის დროით 21:00 საათზე დაიწყება.

მატჩზე დასასწრები ბილეთები 5-10 ლარი ღირს, VIP სექტორში კი – 25 ლარი. ბილეთები ონლაინ იყიდება.

„დინამო ბათუმი“ ეროვნული ლიგის გათამაშების ცხრილში 44 ქულით პირველ ადგილზეა. მას 38 ქულით მოსდევს „დინამო“ თბილისი.

29 ივნისის მატჩის დასრულების შემდეგ ფეხბურთელები ხვიჩა კვარაცხელიას გააცილებენ. „დინამო ბათუმში“ ცოტა ხნის წინ გადმოსული ხვიჩა კვარაცხელია საფეხბურთო კარიერას იტალიაში, საფეხბურთო კლუბ „ნაპოლში“ გააგრძელებს. რუსეთ-უკრაინის ომის დაწყებამდე კვარაცხელია რუსულ კლუბ „რუბინში“ თამაშობდა.

მასალების სხვა გამოცემებში გადაბეჭდვის წესი