მთავარი,სიახლეები

საბავშვო ბაღის წინ დაზიანებული ჭიდან კანალიზაცია ქუჩაში მიედინება

17.06.2022 • 928
საბავშვო ბაღის წინ დაზიანებული ჭიდან კანალიზაცია ქუჩაში მიედინება

ბათუმში, თაყაიშვილის ქუჩაზე, 27-ე საბავშვო ბაღის წინ, შესასვლელთან, საკანალიზაციო ჭა დაზიანებულია, რის გამოც ჭიდან დაბინძურებული წყალი ბაღის შენობის წინ, ქუჩაში მიედინება.

საბავშვო ბაღის წინ, საკანალიზაციო ჭიდან, დაბინძურებული წყალი მოედინება.
ფოტო: ბათუმელები/გურამ მურვანიძე

როგორც საბავშვო ბაღის ადმინისტრაციაში გვითხრეს, ჭა დიდი ხანია ასეთ მდგომარეობაშია, „თუმცა ჭა არ არის უშუალოდ ბაღის ტერიტორიაზე, ქუჩაშია, ამიტომ ბათუმის წყალმა უნდა მოაგვაროს ეს საკითხი.“

„ბათუმელები“ დაუკავშირდა ჯავახიშვილის ადმინისტრაციული სერვისცენტრის ხელმძღვანელს და ჰკითხა, რატომ ვერ მოხერხდა ამდენი ხნის განმავლობაში სანიაღვრე ჭის გაწმენდა.

სერვისცენტრის ხელმძღვანელმა ზვიად ცისკარიძემ გვითხრა, რომ დღეს იმყოფებოდა შემოვლაზე და უკვე გადასცა საკითხი შესაბამის უწყებას.

„დილით ვიყავი, ცხელ ხაზზე დარეკილი მაქვს და ერთი საათის წინ გადავაგზავნე ინფორმაცია. დღის განმავლობაში უნდა გამოვიდნენ და გაწმინდონ,“ – ამბობს ზვიად ცისკარიძე.

მისი თქმით, საკანალიზაციო ჭა პერიოდულად იჭედება და „ეს მიზეზი უნდა აღმოიფხვრას.“

გადაბეჭდვის წესი


ასევე: