დაავადებათა კონტროლის ეროვნული ცენტრის ინფორმაციით, საქართველოში „მაიმუნის ყვავილის“ პირველი შემთხვევა დადასტურდა.
„ლაბორატორიული კვლევების შედეგად დადასტურდა „მაიმუნის ყვავილის“ ვირუსის ერთი შემთხვევა. პაციენტს ვირუსული დაავადების მსუბუქი ფორმა აღენიშნებოდა და შესაბამისი მკურნალობის შემდეგ, მალევე გაეწერა სამედიცინო დაწესებულებიდან.
მას აქვს ევროპაში მოგზაურობის ისტორია. ასევე მიმდინარეობდა კონტაქტებზე დაკვირვება და არც ერთ შემთხვევაში კლინიკური ნიშნები არ გამოვლინდა,“- განაცხადა დაავადებათა კონტროლის ეროვნულმა ცენტრმა.
ორგანიზაციის განცხადებით, საჭიროების შემთხვევაში ისინი გააგრძელებენ საეჭვო შემთხვევების შესწავლას.
ჯანმოს ევროპის ოფისმა ვირუსული დაავადების – „მაიმუნის ყვავილის“ გავრცელების შესახებ განცხადება 19 მაისს გაავრცელა, მას შემდეგ, რაც ევროპის ქვეყნებთან ერთად, დაავადების პირველი შემთხვევა აშშ-მაც დაადასტურა.
___________________________
ამავე თემაზე:
აქვთ თუ არა მაიმუნის ყვავილის მიმართ იმუნიტეტი ჩუტყვავილას ვაქცინით აცრილ ადამიანებს
