უკრაინაში, ლუგანსკის ოლქის ქალაქ სევეროდენცკში, გრძელდება ბრძოლა ქალაქისთვის.
ლუგანსკის ოლქის ადმინისტრაციის ხელმძღვანელი, სერგეი გაიდაი, რომელიც ყოველ დღე ავრცელებს ინფორმაციას სევეროდონეცკში მიმდინარე სიტუაციის შესახებ, ტელეგრამში წერს, რომ სევეროდენცკში მდგომარეობა უკიდურესად დაძაბულია.
„ქალაქზე შტურმი რამდენიმე დღეა გრძელდება. მტერი არტილერიით ანადგურებს მაღალსართულიან შენობებს და სამრეწველო ობიექტებს,“ – წერს გაიდაი.
მისივე განცხადებით, რუსეთის არმია მიზანმიმართულად ესვრის სევეროდენცკში ქარხნებს: „აზოტსა“ და „სტეკლოპლასტიკას“, დაბომბეს მიმდებარე სოფლები – სინეცკი და პავლოგრადი.
გაიდაი ასევე წერს, რომ ყოველდღე ხდება ცნობილი დაღუპულების შესახებ, რომელთანაც დაბომბვის გამო მისვლა ვერ ხერხდება. სევეროდონეცკის ძველ რაიონებში ბევრია დაზიანებული მაღალსართულიანი შენობა, რომელთაგან ზოგიერთი რუსულმა არმიამ ისე დაბომბა, რომ მათგან მხოლოდ საძირკველი დარჩა.
ბრძოლა სევეროდონეცკისთვის ბოლო თვეა განსაკუთრებით ინტენსიურად მიმდინარეობს. ოფიციალური კიევი აცხადებს, რომ იბრძვის ქალაქის ყოველი სანტიმეტრისთვის.
_______________
ფოტოზე: დაბომბილი კორპუსები სევეროდონეცკში. ფოტო სერგეი გაიდაის ტელეგრამ არხიდან
