ორგანიზაცია „საერთაშორისო ბიზნესის განვითარებისა და ინვესტიციების ხელშეწყობის ცენტრის“ (IBDIPC) მიერ ბათუმში დასრულდა ტრენინგების სერია „მეწარმეობა“ და „ბიზნეს გეგმის მომზადება“ ადგილობრივი მეწარმეებისთვის და მეწარმეობით დაინტერესებული პირებისთვის. ტრენინგები განხორციელდა IBDIPC-ის ევროკავშირის ENI შავი ზღვის აუზის თანამშრომლობის პროგრამის ფარგლებში. მიმდინარე პროექტების ფარგლებში („შავი ზღვის გეოგრაფიული აღნიშვნების ქსელი“ GIN – BSB 1191 და „Let’s Cycle on Black Sea“ – BSB998)“, ფარგლებში.
პროექტი მოიცავს რამდენიმე აქტივობას, მათ შორის – ველოტურიზმის განვითარების პოტენციალის შესწავლა და ველოტურების ფორმირება; რეგიონალური ველოტურისტული აპლიკაციის შექმნა; ტრენინგების ორგანიზება ტურიზმის სფეროს წარმომადგენლებისთვის და შერჩეული ბიზნეს-იდეების პროექტების მომზადებაში კონსულტაციები.
ბათუმში ორგანიზებული ტრენინგების მიზანი იყო – მეწარმეობის ძირითადი საკითხების გაცნობა, ბიზნესის მართვის მოდელების, მარკეტინგული სტრატეგიის და მოდელის შემუშავება. ტრენინგის ძირთადი თემატიკა მოიცავდა შემდეგ საკითხებს – მეწარმეობა და ბიზნეს იდეების განვითარება, ბიზნესის მართვის ფორმები, ძირთადი ფინანსური და იურიდული საკითხები, მარკეტინგული სტრატეგია ბიზნეს მოდელი/მარკეტინგული მოდელის შემუშავება (ვორქშოფი).
ბათუმში ტრენინგი ჩატარდა ბათუმის „ტექნოპარკში“. ტრენინგების კურსი გაიარა 75 მონაწილემ და გადაეცათ შესაბამისი სერტიფიკატები. მგავსი ტრენინგები ჩატარდა ასევე გურიაში, სადაც გადამზადდა ტრენინგის 50 მონაწილე.
ტრენინგები ჩატარდა მოწვეული ტრენერის ლაშა მიქიაშვილის მიერ – ლაშა არის ბიზნესის განვითარების ტრენერი. ტრენინგების აუთსორს კომპანია „ქლევერტონი“-ს თანადამფუძნებელი და დირექტორი. ავტორი ტრენინგ კურსების – „ნეირომარკეტინგი და მომხმარებლის ფსიქოლოგია“, „მარკეტინგი მარტივად“, „HCM სტარტაპში“ და ა.შ. ლაშას აქვს ბიზნესის და მენეჯმენტის მიმართულებით ტრენინგების დაგეგმვის და განხხორციელების 7 წლიანი გამოცდილება. არის 50-მდე მცირე და საშუალო ბიზნესის მენტორი ბიზნესის განვითარების, ბიზნეს მოდელის დახვეწის და პროდუქტის ბაზარზე მორგების მიმართულებით. არის ახალგაზრდა მეწარმეთა სკოლის ტრენერი და მენტორი, ბიზნეს აქსელერატორ სპარკის მოწვეული HR კონსულტანტი
ტრენინგის ძირითად აუდიტორიას წარმოადგენდა – მცირე მეწარმეები, სხვადასხვა პროდუქციის/ხელნაკეთი ნივთების მწარმოებლები, ტურისტული სფეროს წარმომადგენლები, ახალგაზრდები ვისაც აქვს საინტერესო ბიზნეს იდეები და ა.შ.
საკონტაქტო ინფორმაცია – ტელ: 599-482181, ელ.ფოსტა: ibdipc@gmail.com
Web: www.ibdipc.org
Common borders. Common solutions
