რუსეთ-უკრაინის ომი 2022 წლის 24 თებერვალს, კიევის დროით დილის 5 საათზე დაიწყო. რუსეთის შეიარაღებული ძალები სახმელეთო, საზღვაო და საჰაერო გზით დაესხნენ თავს უკრაინას.
უკრაინაში, რუსეთის ქვეყანაზე თავდასხმიდან დღემდე, ომის შედეგად 243 ბავშვი დაიღუპა.
უკრაინის პროკურატურის ცნობით, პირველი ივნისის მონაცემებით, უკრაინაში რუსეთის შეიარაღებული აგრესიის შედეგად 240 ბავშვი დაიღუპა და 446 დაშავდა.
ეს რიცხვები საბოლოო არ არის, ინფორმაცია მსხვერპლის და დაშავებულების შესახებ ჯერ ისევ ზუსტდება, რადგან უკრაინის ქალაქებსა და სოფლებში აქტიური საომარი მოქმედებები მიმდინარეობს. ასევე, ამ მონაცემებში არ შედის ქალაქ მარიუპოლში დაღუპული და დაშავებული ბავშვების სტატისტიკა, რადგან ქალაქი ოკუპირებულია რუსეთის შეიარაღებული ძალების მიერ.
უკრაინის პროკურატურის ცნობით, რუსეთის შეიარაღებული ძალების დაბომბვის შედეგად დაზიანდა 1937 სასწავლო დაწესებულება. მათგან 181 მთლიანად განადგურდა.
