ფინეთის პრემიერ-მინისტრი სანა მარინი უკრაინაში იმყოფება. უკრაინული მედიის ცნობით, დღეს, 26 მაისს, ფინეთის პრემიერი ბუჩასა და ირპინში ჩავიდა.
ბუჩა, კიევის ოლქის პატარა ქალაქი, რუსეთის უკრაინაზე თავდასხმის შედეგად, ამ დრომდე ერთ-ერთი ყველაზე დაზარალებული უკრაინის ქალაქია.
სანა მარინი დღეს შეხვდა უკრაინის პრეზიდენტს, ვოლოდიმირ ზელენსკის.
„ჩვენთვის ფინეთის სამხედრო დახმარება ძალიან მნიშვნელოვანია. იარაღი, სანქციების პოლიტიკა და ჩვენი პარტნიორების ერთიანობა უკრაინის ევროკავშირში გაწევრიანების საკითხში არის ის, რაც უზრუნველყოფს ჩვენი მიწის დაცვას. მადლობა ფინეთის პრემიერ-მინისტრს ვიზიტისთვის და თავდადებული მხარდაჭერისთვის,“ – წერს ზელენსკი ფეისბუქზე.
ზელენსკი და სანა მარინი
ზელენსკი და სანა მარინი
ფინეთი ამჟამად ნატოში შესასვლელად ემზადება. 18 მაისს ფინეთმა და შვედეთმა ოფიციალურად შეიტანეს განაცხადი ალიანსში გაწევრიანების მოთხოვნით.
____________________
ფოტოზე: სანა მარინი ირპინში.
