ნეტგაზეთი • RU

არ დახუჭო თვალი, შეიძლება შენ იყო შემდეგი – ქალთა ორგანიზაციების აქცია ბათუმში

დღეს, 22 მაისს ორგანიზაციები: საქართველოს შემეცნებითი ცენტრი და ქალთა ასოციაცია „გვირილა“ საქართველოს სამ ქალაქში აქცია- პერფორმანსს მართავენ. ორგანიზაციების განმარტებით აქცია ქალთა სიცოცხლის ფუნდამენტური და ხელშეუვალი უფლების დასაცავად დაიგეგმა.

„21 მაისს, საზოგადოებრივ ტრანსპორტში, შვილების თვალწინ ქმარმა ცოლს სიცოცხლე მოუსპო. ჩვენ, ამ ტრაგიკული ფაქტით უკიდურესად შეძრწუნებული ადამიანები, ქალთა მკვლელობების სასტიკი სერიების წინააღმდეგ გამოვდივართ და ვიკრიბებით საქართველოს სამ სხვადასხვა ქალაქში: თბილისში, ბათუმსა და ზუგდიდში.“ – ნათქვამია განცხადებაში, რომელსაც აქციის ორგანიზატორები ფეისბუქის საკუთარ გვერდზე ავრცელებენ.

აქციის მთავარი გზავნილებია: „არ დახუჭო თვალი“, „შენი სიჩუმე კლავს“, „შეძლება შენ იყო შემდეგი“, „გამოდი სიცოცხლის უფლებისთვის“.

აქცია ბათუმში ცენტრალური პარკის მთავარ შესასვლელთან 18:00 საათზე დაიწყება.  აქცია ზუგდიდში 15:00 საათზე სკეიტპარკის ტერიტორიაზე, თბილისში კი ფილარმონიის წინ 18: 00 საათზე დაიწყება.

ნეტგაზეთის მასალების სხვა გამოცემებში გადაბეჭდვის წესი
ავტორი