„ამჟამად მოვლა-შენახვის სამუშაოები სრულდება და გზა განვლად მდგომარეობაშია,“ – მოგვწერეს საქართველოს გზების დეპარტამენტიდან, სადაც დღეს, 18 მაისს, ვიკითხეთ: რატომ არის თვეების განმავლობაში შეჩერებული გზის რეაბილიტაცია ხიჭაურიდან შუახევის ადმინისტრაციულ ცენტრამდე.
აქ სამუშაოებს კომპანია „ზიმო“ ახორციელებდა, რომელმაც სატენდერო პირობების შესრულება ვერ შეძლო და ხელახლა ტენდერი გამოაცხადეს.
„13 მაისს გამოცხადდა ტენდერი შიდასახელმწიფოებრივი მნიშვნელობის ბათუმი-ახალციხის საავტომობილო გზის კმ 59-68 მონაკვეთის დარჩენილი სარეაბილიტაციო სამუშაოების შესრულებისთვის,“ – მოგვწერეს გზების დეპარტამენტიდან.
საავტომობილო გზის მონაკვეთი შუახევში
ბათუმი-ახალციხის მაგისტრალის შუახევის მონაკვეთზე, დაახლოებით 9 კილომეტრზე, ასფალტის საფარი არ არსობობს.
