ნეტგაზეთი • RU

McDonald’s-ი საბოლოოდ ტოვებს რუსეთს

სწრაფი კვების უმსხვილესი კომპანია „მაკდონალდსი“ რუსეთს საბოლოოდ ტოვებს – კომპანია ქვეყანაში ბიზნესის გაყიდვას აპირებს.

„ჰუმანიტარული კრიზისი, რომელიც გამოიწვია ომმა უკრაინაში და არაპროგნოზირებადმა სამუშაო პირობებმა, მაკდონალდსი მიიყვანა დასკვნამდე, რომ რუსეთში ბიზნესის გაგრძელება აღარ არის მიზანშეწონილი და არ შეესაბამება მაკდონალდსის ღირებულებებს“, – ნათქვამია კომპანიის განცხადებაში, რომელიც საერთაშორისო მედიაში გავრცელდა.

„მაკდონალდს“ რუსეთში 850 რესტორანი აქვს, სადაც 62 ათასამდე ადამიანი მუშაობს.

კომპანიამ ჯერ კიდევ მარტში შეაჩერა რუსეთში მუშაობა, რუსეთის უკრაინაზე თავდასხმის გამო.

_________________

ფოტო: „მაკდონალდსის“ რესტორანი მოსკოვში, 2022 წლის 10 მარტი. ფოტო: EPA-EFE/MAXIM

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com