ფინეთის შესვლა ნატოში რუსეთისთვის საფრთხეა – ამის შესახებ დღეს, 12 მაისს, განაცხადა ჟურნალისტებთან რუსეთის პრეზიდენტის პრესმდივანმა დიმიტრი პესკოვმა. ინფორმაციას „ტასი“ ავრცელებს.
პესკოვმა განაცხადა, რომ რუსეთი მიიღებს ზომებს ამ სიტუაციის საპასუხოდ, რუსეთის უსაფრთხოების უზრუნველსაყოფად.
მისი თქმით, რუსეთის პრაქტიკული ქმედებები ფინეთის ჩრდილოატლანტიკურ ალიანსში შესვლაზე დამოკიდებული იქნება ნატოს სამხედრო ინფრასტრუქტურაზე რუსეთის საზღვართან.
„ყველაფერი დამოკიდებული იქნება იმაზე, თუ როგორ იქნება გაფართოების პროცესი გამოხატული, რამდენად მიუახლოვდება [ალიანსის] სამხედრო ინფრასტრუქტურა ჩვენს საზღვრებს“, – თქვა პესკოვმა.
მან ასევე აღნიშნა, რომ „ფინეთი შეუერთდა იმ არამეგობრულ ნაბიჯებს, რომლებიც ევროკავშირის ფარგლებში გადაიდგა რუსეთის მიმართ“.
დღეს, 12 მაისს, ფინეთის მთავრობამ დაადასტურა, რომ ქვეყანა ნატოში გაწევრიანებაზე განაცხადს გააკეთებს.
„ფინეთმა დაუყოვნებლივ უნდა მიმართოს ნატოს გაწევრიანებისთვის“ – აღნიშნულია განცხადებაში, რომელიც ფინეთის პრეზიდენტმა და პრემიერ-მინისტრმა გაავრცელეს.
___________________
ფოტო: EPA-EFE/YURI KOCHETKOV
ამავე თემაზე:
„ფინეთი უნდა შეუერთდეს ნატოს“ – ქვეყნის პრეზიდენტისა და პრემიერის განცხადება
