ნეტგაზეთი • RU

მოსკოვში გამარჯვების აღლუმის საავიაციო ნაწილი გაუქმდა – პესკოვი

რუსული „რია ნოვოსტის ცნობით“, მოსკოვში გამარჯვების აღლუმის საავიაციო ნაწილი გაუქმდა. როგორც მედია იუწყება, მოსკოვში აღლუმის საავიაციო ნაწილის გაუქმება ცუდ ამინდს უკავშირდება. ამის შესახებ ჟურნალისტებს რუსეთის პრეზიდენტის პრესმდივანმა, დიმიტრი პესკოვმა განუცხადა.

„კითხვაზე, გაუქმდა თუ არა მოსკოვში აღლუმის საავიაციო ნაწილი, პესკოვმა დადებითად უპასუხა“, – წერს რია ნოვოსტი.

ასევე გაუქმდა საავიაციო აღლუმები სანკტ-პეტერბურგში, ეკატერინბურგში, ნოვოსიბირსკში, სამარასა და მურმანსკში.

დღეს რუსეთში ფაშიზმზე გამარჯვების 77 წლისთავს აღნიშნავენ.

9 მაისს მოსკოვში, წითელ მოედანზე, ტრადიციულად, რუსეთის არმიის სამხედრო აღლუმი იმართა, რომელშიც სატანკო კოლონები, სარაკეტო დანადგარები, სამხედრო თვითმფრინავები და ათასობით ჯარისკაცი იღებს მონაწილეობას.

___

24 თებერვალს რუსულმა არმიამ უკრაინაში ფართომასშტაბიანი სამხედრო აგრესია წამოიწყო.

უკრაინის ინფორმაციით, ამ დროისთვის გაანადგურეს რუსეთის არმიის 199 თვითმფრინავი, 158 ვერტმფრენი და 377 უპილოტო საფრენი აპარატი.

უკრაინაში ომის დაწყების შემდეგ მილიონობით ადამიანი დარჩა უსახლკაროდ. ათასობით ადამიანი დაიღუპა ან დაიჭრა.

___

მთავარი ფოტო: 2020 წელი, საჰაერო აღლუმი მოსკოვში

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან