Batumelebi | მაქსიმუმს გავაკეთებთ, რომ არც ერთი უკრაინელი არ დარჩეს საცხოვრებლის გარეშე – თინათინ ზოიძე მაქსიმუმს გავაკეთებთ, რომ არც ერთი უკრაინელი არ დარჩეს საცხოვრებლის გარეშე – თინათინ ზოიძე – Batumelebi
ნეტგაზეთი • RU

მაქსიმუმს გავაკეთებთ, რომ არც ერთი უკრაინელი არ დარჩეს საცხოვრებლის გარეშე – თინათინ ზოიძე

აჭარის ტურიზმისა და კურორტების დეპარტამენტის განცხადებით, მაქსიმუმს აკეთებენ იმისთვის, რომ უკრაინიდან ლტოლვილი არც ერთი მოქალაქე არ დარჩეს საცხოვრებლის გარეშე. ამის შესახებ დღეს, 5 მაისს, განაცხადა თინათინ ზოიძემ, აჭარის ტურიზმის დეპარტამენტის ხელმძღვანელმა.

„იმატა მომართვიანობამ როგორც საზღვრიდან ახალშემოსული უკრაინის მოქალაქეების, ასევე, საქართველოს სხვა რეგიონებში მყოფი მოქალაქეებიც უკვე ჩამოდიან ბათუმში, გაზრდილია მომართვიანობა.

აჭარის ტურიზმის დეპარტამენტი ფინანსთა და ეკონომიკის სამინისტროსთან, აჭარის მთავრობასთან და ტურიზმის ეროვნულ ადმინისტრაციასთან ერთად მაქსიმუმს აკეთებს, რომ უკრაინის თითოეული მოქალაქისთვის მოძიებული იქნას ალტერნატიული საცხოვრებელი ფართი.

უკრაინის იმ მოქალაქეებისთვის, რომლებიც განთავსებულნი არიან მაღალი კლასის სასტუმროებში, უკვე გამოიძებნა ბინები. ასევე, სხვა ტიპის ალტერნატიული საცხოვრებელი ეტაპობრივად იქნება შეთავაზებული.

ჩვენთვის უკრაინის თემა არის ძალიან სენსიტიური. ძალიან სოლიდარულად ვართ განწყობილი იმ პროცესების მიმართ, რაც უკრაინაში ხდება. სახელმწიფო აკეთებს მაქსიმუმს შესაძლებლობების ფარგლებში, რომ არც ერთი უკრაინელი არ დარჩეს საცხოვრებლის გარეშე.

აქტიურად ვართ კომუნიკაციაში იმ მოქალაქეებთან, რომლებიც განთავსებულნი არიან როგორც მაღალი კლასის სასტუმროებში, ასევე, ზოგადად აჭარაში და ჩვენ მათთან კოორდინაციაში მაქსიმუმს გავაკეთებთ, რომ უკრაინის არც ერთი მოქალაქე არ დარჩეს საცხოვრისის გარეშე,“ – განაცხადა თინათინ ზოიძემ.

ამავე თემაზე: 

„6 მაისს უნდა დავტოვოთ სასტუმრო“ – დევნილები მარიუპოლიდან ბათუმშიც ღია ცის ქვეშ რჩებიან

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.