უკრაინული გამოცემის, „უნიანის“ ცნობით, 80 წლის უკრაინელმა ქალმა, რომელიც ამჟამად ომის გამო ლტოლვილად იქცა, პატრიოტული ტატუირება გაიკეთა.
ვინიცელმა ქალის ფეხზე ახლა უკრაინის გერბი და პურის თავთავებია გამოსახული. ტატუირება მას პოლონეთში შვილიშვილმა გაუკეთა, რომელთანაც ახლა ქალი ცხოვრობს.
„უკრაინისთვის გავიკეთე ტატუ. ჩემმა შვილიშვილმა გამიკეთა. ძალიან მიყვარს უკრაინა და მშვიდობა მინდა”, – ამბობს ქალი.
რუსეთი უკრაინას თავს 24 თებერვალს დაესხა. ომი ორ თვეზე მეტი ხანია გრძელდება.
ამ დროის განმავლობაში რუსეთმა ვერ შეძლო უკრაინის დედაქალაქის დაკავება და ხელისუფლების შეცვლა, რის გამოც ომში თავდაპირველი სტრატეგია შეცვალა და ქვეყნის აღმოსავლეთში, დონბასის რეგიონში შეტევის ახალი ფაზა წამოიწყო, რომელიც მიზნად ისახავს უკრაინის აღმოსავლეთ ტერიტორიების ოკუპაციას.
___________
ფოტო: unian
