ნეტგაზეთი • RU

შავ ზღვაში რუსეთის 20-მდე სამხედრო ხომალდია – ბრიტანეთის დაზვერვა

დიდი ბრიტანეთის დაზვერვის ინფორმაციით, დღეისთვის შავი ზღვის ოპერატიულ ზონაში რუსეთის საზღვაო ძალების 20-მდე სამხედრო გემი იმყოფება, მათ შორის წყალქვეშა ხომალდები.

„სადესანტო ხომალდ „სარატოვისა“ და კრეისერ „მოსკვას“ სამარცხვინო დანაკარგის მიუხედავად, რუსეთის შავი ზღვის ფლოტს მაინც შესწევს ძალა, გააგრძელოს დარტყმები უკრაინულ სამიზნეებზე“, – წერს ბრიტანეთის დაზვერვა ტვიტერის გვერდზე.

უწყება აღნიშნავს, რომ ბოსფორის სრუტე კვლავაც დაკეტილია ყველა არათურქული სამხედრო ხომალდისთვის, რაც ხელს უშლის რუსეთს შეცვალოს შავ ზღვაში ჩაძირული კრეისერი „მოსკვა“.

გუშინდელ, 27 აპრილის განახლებაში, დიდი ბრიტანეთის თავდაცვა უკრაინის საჰაერო სივრცეში არსებულ მდგომარეობაზე წერდა და აღნიშნავდა, რომ უკრაინა კვლავაც აკონტროლებს თავისი საჰაერო სივრცის უდიდეს ნაწილს, რადგან რუსეთმა ვერ შეძლო უკრაინის საავიაციო ძალების განადგურება და მისი თავდაცვის შესუსტება.

დიდი ბრიტანეთის თავდაცვის უწყება უკრაინაში მიმდინარე მოვლენებზე ინფორმაციას ყოველდღიურად აახლებს.

მთავარი ფოტო: რუსეთის სამხედრო ხომალდები აღლუმზე სანქტ-პეტერბურგში/EPA

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.