ნეტგაზეთი • RU

რუსეთმა ვერ შეძლო უკრაინის საჰაერო ძალების განადგურება – დიდი ბრიტანეთის დაზვერვა

„უკრაინა კვლავაც აკონტროლებს თავისი საჰაერო სივრცის უდიდეს ნაწილს. რუსეთმა ვერ შეძლო უკრაინის საავიაციო ძალების განადგურება და მისი თავდაცვის შესუსტება“, – წერს დიდი ბრიტანეთის დაზვერვა ტვიტერზე 27 აპრილის პოსტში.

უწყება აღნიშნავს, რომ უკრაინა განაგრძობს რუსეთის საავაციო საშუალებებისთვის საფრთხის შექმნას.

„რუსეთის ავიაცია ძირითადად ფოკუსირებულია უკრაინის სამხრეთსა და აღმოსავლეთზე, რომ მხარდაჭერა აღმოუჩინოს რუსეთის ქვეით დანაყოფებს. რუსეთს შეზღუდული აქვს წვდომა უკრაინის დასავლეთსა და ჩრდილოეთზე, რაც ამცირებს ძლიერი დარტყმების საშუალებით თავდასხმების განხორციელების შესაძლებლობას. რუსეთი განაგრძობს დარტყმებს უკრაინის სამხედრო ობიექტებსა და ინფრასტრუქტურაზე მთელი ქვეყნის მასშტაბით“.

დიდი ბრიტანეთის დაზვერვა წერს, რომ მარიუპოლში განხორციელებული საჰაერო თავდასხმებისას, რუსეთი სავარაუდოდ უმართავ ბომბებს იყენებს, ასეთი იარაღი კი მშვიდობიან მოსახლეობაში მსხვერპლის რისკს ზრდის.
დიდი ბრიტანეთის თავდაცვა უკრაინაში მიმდინარე მოვლენებზე განახლებას ყოველდღიურად აქვეყნებს. 26 აპრილის განახლებაში დაზვერვა იუწყებოდა, რომ მიღებული ინფორმაციით, დაეცა ქალაქი კრემენაია; უკრაინის აღმოსავლეთით, რუსეთის არმია ცდილობს ალყაში მოაქციოს უკრაინის შეიარაღებული ძალების კარგად გამაგრებული პოზიციები.
ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.