უკრაინის ომბუდსმენი ლუდმილა დენისოვა ხერსონის ოლქიდან ობოლი და მზრუნველობამოკლებული 58 ბავშვის ევაკუაციის მოთხოვნით განცხადებას ავრცელებს:
„მივმართავ ამ პროცესებში ჩართულ და არაგულგრილს ყველა პირს, ხერსონის ბავშვთა სახლის ბავშვების, უკრაინის უსაფრთხო ტერიტორიაზე სასწრაფოდ ევაკუაციის აუცილებლობასთან დაკავშირებით.
58 ობოლი და მშობლის მზრუნველობას მოკლებული ბავშვი თვეზე მეტია ადგილობრივი ეკლესიის სარდაფში იმალება.
აქედან 10 ბავშვი 4 თვიდან 1 წლამდე ასაკისაა, დანარჩენი – 4 წლამდე ასაკის, მათ შორის არიან შეზღუდული შესაძლებლობის მქონე ბავშვები, რომლებსაც განსაკუთრებული მოვლა და მკურნალობა ესაჭიროებათ” – წერს დენისოვა.
დენისოვა აცხადებს, რომ ამ ბავშვებისთვის უსაფრთხო ადგილი უკვე ნაპოვნია უკრაინის იმ რეგიონში, სადაც არ მიმდინარეობს აქტიური საბრძოლო მოქმედებები, „იქ ბავშვთა სახლის აღსაზრდელებს გაეწევათ ყველა საჭირო დახმარება, მკურნალობა და მოვლა“ – ამბობს ის.
„ვთხოვ ყველას, ვისაც შეუძლია ხელი შეგვიწყოს, გადავიყვანოთ ეს ბავშვები უკრაინის უსაფრთხო რეგიონში, არ დადგეთ განზე და მიიღეთ თქვენზე დამოკიდებული ყველა ზომა, რათა გაიხსნას და იმუშაოს ჰუმანიტარულმა დერეფნებმა“ – წერს დენისოვა.
