დღეს, 21 აპრილს, უკრაინაში ჩავიდნენ დანიის პრემიერ-მინისტრი მეტე ფრედრიქსენი და ესპანეთის პრემიერ-მინისტრი პედრო სანჩესი. მათ კიევი და ბოროდიანკა დაათვალიერეს.
„შოკირებული ვართ ბოროდიანკას ქუჩებში პუტინის ომის საშინელებებითა და სისასტიკით. ჩვენ უკრაინელ ხალხს მარტო არ დავტოვებთ”, – წერს ესპანეთის პრემიერ-მინისტრი ტვიტერზე.
Shocked to witness the horror and atrocities of Putin’s war on the streets of Borodyanka .
We will not leave the Ukrainian people alone.
— Pedro Sánchez (@sanchezcastejon) April 21, 2022
ბოროდიანკა 28 თებერვლიდან 1-ელ აპრილამდე იყო რუსული ჯარების კონტროლის ქვეშ. წინასწარი მონაცემებით, აქ ასობით მშვიდობიანი მოქალაქეა მოკლული რუსული არმიის ჯარისკაცების მიერ.
20 აპრილს ბოროდიანკაში კიდევ 2 მასობრივი საფლავი იპოვეს, სადაც რუსი ოკუპანტების მიერ დახოცილი ადგილობრივი მცხოვრებლები არიან დაკრძალული.
_____________
ფოტოზე: ესპანეთის პრემიერ მინისტრი პედრო სანჩესი, დანიის პრემიერ-მინისტრი მეტე ფრედრიქსენი და უკრაინის ვიცე-პრემიერი ოლჰა სტეფანიშინა. ფოტო: ევროპის პრესფოტო სააგენტო. EPA
