უმაღლეს სასწავლებლებში საბაკალავრო პროგრამებზე მასწავლებლის მომზადების მაინორპროგრამების დანერგვა იგეგმება.
ამის შესახებ დღეს, 12 აპრილს, საქართველოს პარლამენტის განათლების კომიტეტის თავმჯდომარემ, გიორგი ამილახვარმა განაცხადა.
მისი თქმით, ინიციატივა გულისხმობს იმას, რომ საბაკალავრო პროგრამებზე ჩარიცხულ სტუდენტებს შესაძლებლობა ექნებათ, დამატებით აირჩიონ მასწავლებლის მომზადების პროგრამაც და სწავლის დამთავრების შემდეგ კონკრეტული პროფესიის ბაკალავრის დიპლომთან ერთად ასევე მოიპოვონ მასწავლებლად მუშაობის უფლებაც.
„აღნიშნული ცვლილება ხელს შეუწყობს სხვადასხვა საგნობრივი ჯგუფის მასწავლებლების მომზადებას. მათ შორის STEM (ტექნოლოგიები) მიმართულების გაუმჯობესებას“, – ამბობს ამილახვარი.
გიორგი ამილახვრის თქმით, განათლების კომიტეტი ასევე იწყებს მოკვლევას ეთნიკური უმცირესობებისთვის ხარისხიანი განათლების ხელმისაწვდომობაზე.
კერძოდ, სახელმწიფო ენის სწავლებასა და სკოლის შემდგომი განათლების მიღებაზე.
