მთავარი,სიახლეები

დამტვრეული სანაგვე ურნები ბათუმის ცენტრალურ პარკში

04.04.2022 • 1475
დამტვრეული სანაგვე ურნები ბათუმის ცენტრალურ პარკში

ბათუმის ცენტრალურ პარკში დამტვრეულია თეთრი ქვის სანაგვე ურნები. როგორც ბათუმის მერიის კეთილმოწყობის სამმართველოში „ბათუმელებს“ უთხრეს, მათ უკვე მიმართეს პოლიციას შემთხვევის გამო.

მათივე ინფორმაციით, ცენტრალურ პარკში პარასკევს სამი სკამიც დაამტვრიეს, რომლებიც ახლით უკვე ჩაანაცვლეს.

ცენტრალურ პარკში სკამების დაზიანების შემთხვევა ადრეც იყო, პოლიციამ მაშინაც დაიწყო მოკვლევა, თუმცა ამ დრომდე უცნობია გამოძიების შედეგი.

პარკში ახალი ქვის სკამები და ურნები რამდენიმე თვის წინ დაამონტაჟეს. ქვის ერთ სკამში ბათუმის მერიას 4 500 ლარი აქვს გადახდილი. სულ შეიძინეს 50 ქვის სკამი.

დამტვრეული ურნა ბათუმის პარკში.
ფოტო: გიორგი ბოლქვაძე

გადაბეჭდვის წესი


ასევე: