მუსიკალური ფესტივალი Tbilisi Open Air-ი ორწლიანი პაუზის შემდეგ ბრუნდება. ფესტივალი 24-26 ივნისს Lisi Wonderland-ში გაიმართება. ინფორმაცია ამის შესახებ ფესტივალის ფეისბუქგვერდზე დღეს, 30 მარტს, გამოქვეყნდა.
წლევანდელი ფესტივალის მთავარი შემსრულებლები არიან alt-J-ი, უკრაინული ჯგუფი Okean Elzy-ი, Cigarettes After Sex-ი, Konoba, Molchat Doma და სხვები.
ფესტივალის ერთ-ერთი მთავარი შემსრულებელი უკრაინული როკ-ჯგუფი Okean Elzy უკრაინაში მიმდინარე ომის დროს დაბომბილ ქალაქებში ჩადის და მოსახლეობისთვის, მათ შორის, თავშესაფრებში, უკრავს.
ფესტივალის სრული აფიშა
_________________
ფოტოზე: Tbilisi Open Air 2018/facebook
