ნეტგაზეთი • RU

იაპონია რუსეთში ძვირადღირებული მანქანების ექსპორტს კრძალავს – ახალი სანქციები

იაპონია რუსეთის წინააღმდეგ ახალ ეკონომიკურ სანქციებს აწესებს.

5 აპრილიდან რუსეთში იაპონური ძვირადღირებული მანქანების, მოტოციკლების და ალკოჰოლის ექსპორტი იკრძალება.

იაპონური მედიის ცნობით, მანქანები იაპონიიდან რუსეთში მიმავალი ტვირთის დიდ ნაწილს შეადგენს. 2020 წელს იაპონიიდან რუსეთში 5 მილიარდი დოლარის ძვირადღირებული ავტომობილების ექსპორტი განხორციელდა.

გარდა ამისა, იაპონიიდან რუსეთში აღარ მოხდება იაპონური ხელოვნების ნიმუშების, ბეწვის, სამკაულების, თამბაქოს და კოსმეტიკური საშუალებების ექსპორტი.

ამ სანქციებამდე დასავლეთის ქვეყნების მიერ რუსეთის წინააღმდეგ დაწესებულ ფინანსურ სანქციებს იაპონია უკვე შეუერთდა.

ტოკიოს ამ პოზიციის საპასუხოდ, რუსეთის ხელისუფლებამ გამოაცხადა, რომ აჩერებდა მოლაპარაკებებს იაპონიასთან სამშვიდობო ხელშეკრულების დადებაზე და გააუქმა კურილის კუნძულებზე იაპონიის ვიზიტების უვიზო რეჟიმი.

_____________

ფოტოზე: Lexus LC500. ფოტო: ევროპის პრესფოტო სააგენტო. EPA-EFE/RINGO CHIU

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.