თურქეთის თავდაცვის სამინისტრო ადასტურებს, რომ დღეს, სტამბოლთან ახლოს, ბოსფორის სრუტეში აღმოჩენილი ობიექტი ნაღმი იყო.
სამინისტროს ცნობით, ძველი მოდელის ნაღმი სპეციალისტებმა გააუვნებელყვეს.
„კვლევის შედეგად დადგინდა, რომ ეს იყო ძველი სტილის ნაღმი. ამ საკითხზე რუსეთისა და უკრაინის ხელისუფლებასთან მოლაპარაკებები მიმდინარეობს“, – განაცხადა თურქეთის თავდაცვის მინისტრმა ჰულუსი აკარმა.
ბოლო ცნობებით, ბოსფორის სრუტეში გემების მოძრაობა უკვე განახლდა.
______________
ფოტო: სააგენტო ანადოლუ
