რუსმა ჟურნალისტმა და პუბლიცისტმა ალექსანდრე ნევზოროვმა, რომლის წინააღმდეგაც რუსული სამხედროების შესახებ დეზინფორმაციის გავრცელების მუხლით რუსეთში სისხლის სამართლის საქმე აღიძრა, ქვეყანაში დაბრუნებას აპირებს.
ნევზოროვი ონლაინჩართვებში კონკრეტულად არ ასახელებს საკუთარ ამჟამინდელ ადგილსამყოფელს, თუმცა მისივე ფეისბუქგვერდზე გამოქვეყნებულ საჯარო შეხვედრის ვიდეოზე წერია, რომ შეკრება ისრაელში გაიმართა. დარბაზში კი რუსულენოვანი მსმენელი ზის.
„ახლა რაღაც ეჭვები მაქვს და ვყოყმანობ, მაგრამ ყოველთვის მიჭირდა წინდახედულების/სიფრთხილის მხრივ და ამიტომ, ალბათ, რუსეთში მაინც დავბრუნდები“, – ამბობს ნევზოროვი ამავე ვიდეოში.
„საქმე ის არის, რომ ის, რისი თქმაც მე შემიძლია რუსეთის საზღვრებს გარეთ, არ იქნება ისეთი მნიშვნელობის, ისეთი ღირებული, როგორც ამის გაჟღერება უშუალოდ რუსეთიდან“, – ამბობს ნევზოროვი.
მან ასევე მიანიშნა, რომ მისი დაპატიმრების შემთხვევაში გახმაურდება კომპრომატები, თუმცა არ აკონკრეტებს, ვის წინააღმდეგ: „არ დაგავიწყდეთ, ჩემი დაპატიმრება ყველას გაართობს, რადგან სასწრაფო წესით გასაჯაროვდება ბევრი სხვადასხვაგვარი სასაცილო სიბინძურე, რაც საშუალებას მოგცემთ, ოდნავ მაინც გაიცინოთ“.
ამავე თემაზე:
