ნეტგაზეთი • RU

ბსუ-ში სწავლა 21 მარტს განახლდება, ლექციები კვლავ დისტანციური იქნება

ბათუმის შოთა რუსთაველის სახელმწიფო უნივერსიტეტში 2021-2022 სასწავლო წლის გაზაფხულის სემესტრი 21 მარტს განახლდება.

ბსუ-ს ადმინისტრაციის ცნობით, ყველა ტიპის პრაქტიკული, ჯგუფური და ლაბორატორიული მუშაობა საუნივერსიტეტო სივრცეში განახლდება და მხოლოდ სალექციო პროცესი დარჩება დისტანციურ რეჟიმში.

სწავლების ეს მოდელი შეეხება ყველა საფეხურის საგანმანათლებლო პროგრამას – ბაკალავრიატის, მაგისტრატურის და დოქტორანტურის საფეხურებს.

ბსუ-ში გაზაფხულის სემესტრი 14 მარტს იწყებოდა, თუმცა ერთი კვირით გადაიდო. როგორც ადმინისტრაცია აცხადებს, ამის რამდენიმე მიზეზი იყო და გაზაფხულის სემესტრის ერთი კვირით გადადება ხელს  შეუწყობს უნივერსიტეტში სასწავლო პროცესის ორგანიზებულ განახლებას.

ნეტგაზეთის მასალების სხვა გამოცემებში გადაბეჭდვის წესი
ავტორი