მთავარი,სიახლეები

ვწყვეტ შიმშილობას – მიხეილ სააკაშვილი

10.03.2022 • 1918
ვწყვეტ შიმშილობას – მიხეილ სააკაშვილი

საქართველოს ყოფილი პრეზიდენტი, მიხეილ სააკაშვილი, შიმშილობას წყვეტს. ამის შესახებ მან დღეს, 10 მარტს, 14:37 საათზე საკუთარი ფეისბუქის გვერდზე დაწერა. როგორც სააკაშვილი წერს, ის მე-20 დღეა, რაც შიმშილობდა.

„მივიღე წერილი იმ ქართველი მებრძოლებისგან, რომლებიც 2014 წლიდან იცავენ უკრაინას, რომლებითაც ძალიან ვამაყობ და მათთან ვმეგობრობ. ისინი მთხოვენ, შევწყვიტო შიმშილობა და რაც შეიძლება სწრაფად, ძალების სრული მოკრებით ჩავერთო ბრძოლაში. იგივე თხოვნა მოდის უკრაინის უმაღლესი მთავარსარდლობის წარმომადგენლებისგან, რომლებთანაც მუდმივ კონტაქტზე ვარ.

ამიტომ, მე-20 დღეს მე შევწყვეტ შიმშილობას. ახლა გვჭირდება საღი აზრი, ჯანმრთელობა და სრული მობილიზაცია, სიძლიერე სისუსტის ნაცვლად. ჩვენ გამარჯვებას სრულ მზადყოფნაში უნდა შევხვდეთ“, – წერს სააკაშვილი.

გუშინ, 9 მარტს, უკრაინის რადას დეპუტატმა, ლიზა იასკომ საქართველოს პრეზიდენტს, სალომე ზურაბიშვილს და საქართველოს მთავრობას მიმართა. იასკო საქართველოს სთხოვს სააკაშვილი უკრაინაში დააბრუნონ.

„მისი ადგილი ახლა ნამდვილად უკრაინელ ხალხთან არის. ამ ბრძოლაში ჩვენ ის ნამდვილად გვაკლია“, – წერს ლიზა იასკო ფეისბუკზე.

გადაბეჭდვის წესი


ასევე: