უკრაინის უმაღლესი რადას ოფიციალური ინფორმაციით, ქვეყნის პრეზიდენტმა, ვოლოდიმირ ზელენსკიმ, ხელი მოაწერა ახალ კანონს, რომლის მიხედვითაც ეროვნული უსაფრთხოების წინააღმდეგ მიმართული საომარი მდგომარეობის დროს ჩადენილი დანაშაულისთვის სასჯელი მკაცრდება.
საომარი მდგომარეობის დროს ღალატისა და საბოტაჟისთვის პირი დაისჯება 15-წლიანი თავისუფლების აღკვეთით ან უვადო პატიმრობითა და ქონების კონფისკაციით.
ეს კანონი დაარეგულირებს ასევე მშვიდობიანი მოსახლეობისთვის იარაღის გადაცემისა და დაბრუნების პროცედურას.
ახალი კანონით, ოკუპანტების წინააღმდეგ მოსახლეობამ ასევე შეიძლება გამოიყენოს სპორტული იარაღი, სანადირო თოფი ან კომბინირებული იარაღი.
კანონი გამკაცრდა ასევე მაროდიორობისთვისაც, კერძოდ: ბრძოლის ველზე სხვისი ქონების მითვისების ან გაფლანგვისთვის, ტრაგიკული გარემოებების პირადი სარგებლობისთვის, ასევე, ნაცემი და დაჭრილი ადამიანების ძარცვისას მაროდიორობა დაისჯება 5-დან 15 წლამდე ვადით თავისუფლების აღკვეთით.
