უკრაინაში, კიევთან ახლოს მდებარე დასახლების, გოსტომელის თემის თავმჯდომარე იური პრილიპკო და მისი ორი თანმხლები პირი ჰუმანიტარული დახმარების გავრცელებისას მოკლეს – ინფორმაციას უკრაინული მედია ავრცელებს გოსტომელის საკრებულოს განცხადებაზე დაყრდნობით.
დღეს, 7 მარტს, ამის შესახებ კიევის მერმა, კლიჩკომაც ისაუბრა ვიდეომიმართვაში. მან განაცხადა, რომ პრილიპკო მოკლეს, როცა ის მოსახლეობას საკვებსა და წამალს ურიგებდა.
გოსტომელი, დასახლება კიევის გარეუბანში, ცნობილი გახდა სამხედრო აეროდრომთან გამართული რამდენიმედღიანი ბრძოლის შემდეგ.
გუშინ, 6 მარტს, პრეზიდენტმა ზელენსკიმ გოსტომელს „გმირი ქალაქის“ სტატუსი მიანიჭა.
