უკრაინის თავდაცვის სამინისტრო აცხადებს, რომ რუს ტყვეებს გადასცემენ დედებს იმ შემთხვევაში, თუ ისინი შვილებს უკრაინაში, დედაქალაქ კიევში ჩააკითხავენ.
ტყვედ ჩავარდნილი რუსი ჯარისკაცების დედებისთვის სამინისტრო ინსტრუქციებს აქვეყნებს:
„როგორ უნდა დაიბრუნოთ შვილი ტყვეობიდან?
ჯერ საჭიროა დარეკოთ მოცემულ ტელეფონის ნომრებზე, რომ გაარკვიოთ ტყვეების სიაშია თქვენი შვილი თუ გარდაცვლილია.
აუცილებლად უნდა შეხვიდეთ ტელეგრამის არხზე: Груз 200 https://t.me/gruz_200_rus
ან დარეკოთ ცხელ ხაზის „Вернись живым из Украины“ შემდეგ ნომრებზე: +380894201860; +380894201861; +380894201862
ან უნდა გაგზავნოთ წერილი ელექტრონულ ფოსტაზე: Vernis_iz_ukraine@gmail.com
თუ ჩვენგან მიიღებთ დამადასტურებელ პასუხს, რომ თქვენი შვილი დატყვევებულია, რუსი ჯარისკაცების დედებმა ამ შემთხვევაში უნდა ჩამოაღწიონ კიევში.
პუტინის ფაშისტური არმიის შემოჭრისა და საჰაერო სივრცის ჩაკეტვის შემდეგ კიევამდე ჩამოსვლა ასე შეგიძლიათ:
ჩადით კალინინგრადამდე ან მინსკამდე, შემდეგ ავტობუსით ან ტაქსით მიდით პოლონეთის საზღვრამდე სადაც დაგხვდებიან, ჩამოგაცილებენ კიევამდე და გადმოგცემენ თქვენს შვილს.
ჩვენ, უკრაინელები, პუტინის ფაშისტებისგან განსხვავებით არ ვებრძვით დედებს და მათ ტყვედ ჩავარდნილ შვილებს.
გელით კიევში!“ – წერია უკრაინის თავდაცვის სამინისტროს განცხადებაში, რომელიც დღეს, 2 მარტს, სამინისტროს ოფიციალურ ფეისბუქგვერდზე გამოქვეყნდა.
მეშვიდე დღეა რაც რუსეთი უკრაინაში შეიჭრა. ოკუპანტები უტევენ უკრაინას სახმელეთო, საჰაერო და საზღვაო არტილერიით.
სამინისტროს განცხადება. FB
