Anonymous-თან დაკავშირებულმა ჰაკერულმა ჯგუფმა NB65-მა გათიშა რუსეთის კოსმოსური სააგენტოს, „როსკოსმოსის“ საკონტროლო ცენტრი.
„რუსეთს აღარ აქვს კონტროლი საკუთარ ჯაშუშ-სატელიტებზე“ – წერს „ანონიმუსი“ ტვიტერზე.
„როსკოსმოსი“ რუსული სახელმწიფო კოსმოსური კორპორაციაა, რომელიც ახლო კომუნიკაციაშია რუსეთის ფედერაციის შეიარაღებულ ძალებთან.
მაგალითად, რუსეთის ფედერაციის პრეზიდენტის გადაწყვეტილებით, 2011 წლის 1-ელ დეკემბერს, რუსეთის ფედერაციის შეიარაღებულ ძალებში შეიქმნა სამსახურის ახალი ფილიალი – საჰაერო-კოსმოსური თავდაცვის ჯარები, რომელიც 2015 წლიდან რუსეთის საჰაერო კოსმოსური ძალების ნაწილია.
JUST IN: Hacking group 'NB65', affiliated with #Anonymous has shut down the Control Center of the Russian Space Agency 'Roscosmos'. #Russia has no more control over their own Spy-Satelites. #OpRussia#OpKremlin #FreeUkraine #FckPutin pic.twitter.com/1iZBDN48rw
— Anonymous TV 🇺🇦 (@YourAnonTV) March 1, 2022
უკვე მე-7 დღეა რუსეთის არმია განუწყვეტლივ უტევს უკრაინას როგორც სახმელეთო, ისე საჰაერო და საზღვაო გზებით. რუსეთის შეჭრას ასეულობით მშვიდობიანი მოქალაქე და სამხედრო ემხვერპლა. ინტენსიურად იბომბება უკრაინის ქალაქები.
ანონიმური ჰაკერული ჯგუფი „ანონიმუსი“ უკრაინაში ომის დაწყების შემდეგ რუსეთის ხელისუფლებისა და პროპაგანდის არხებს უტევს. შეტევა უკვე მიიტანეს კრემლის, რუსეთის საგარეო საქმეთა, თავდაცვისა და სხვა უწყებების ვებგვერდებზე. ასევე, პროპაგანდისტული მედიის ვებგვერდებზეც.
