დღეს, პირველ მარტს, საქართველოს პარლამენტში პარლამენტის წევრმა დიმიტრი ხუნდაძემ განაცხადა, რომ მოქალაქეებს დღეიდან შესაძლებლობა ექნებათ სისხლი ჩააბარონ უკრაინის დასახმარებლად.
„გუშინ მივიღეთ გადაწყვეტილება, რომ მასშტაბურად დავგეგმოთ სისხლის უანგარო დონაციის აქცია უკრაინელთა დასახმარებლად.
სისხლის ჩაბარება შეუძლიათ პარლამენტის წევრებსაც. პარლამენტში ამისთვის გამოყოფილია სივრცე ბ კორპუსში, 0 17. 0 18, 0 19 ოთახებში“ – თქვა ხუნდაძემ.
მისი თქმით, შესაძლოა სისხლის დეფიციტს უკრაინას სხვა მეზობელი ქვეყნები უვსებს, „მაგრამ ქართველებმა უნდა გავუგზავნოთ საკუთარი სისხლი მხარდაჭერის ნიშნად“.
„მივმართავ ჯანდაცვის სამინისტროს, ორგანიზება გაუკეთოს ქვეყნის მასშტაბით სისხლის ჩაბარების პუნქტებს“ – განაცხადა მან.
ხუნდაძის თქმით, უმრავლესობის დეპუტატებმა საკუთარი სახსრებიდან უნდა შეაგროვონ თანხა, რომლითაც შესახვევ მასალებს შეიძენენ და გააგზავნიან უკრაინაში.
