საქართველოს ხელისუფლება ჰუმანიტარულ დახმარებას სთავაზობს ქვეყანაში ტურისტული მიზნით ჩამოსულ უკრაინის მოქალაქეებს.
ტურიზმის ეროვნული ადმინისტრაციის ცნობით, რომელიც ამ პროცესს უწევს კოორდინაციას, საქართველოში დარჩენილი უკრაინელი ტურისტების სასტუმროებში განთავსება დღეს, 25 თებერვალს, დილიდან დაიწყო.
„კერძო სექტორმა თითქმის მთელი ქვეყნის მასშტაბით გამოთქვა სურვილი სრულიად უსასყიდლოდ დაუთმოს სასტუმრო უკრაინელ ტურისტებს,“ – წერს ტურიზმის ეროვნული ადმინისტრაცია.
ამოქმედდა ცხელი ხაზი – 0 800 800 909, რომელიც ფუნქციონირებს 24 საათის განმავლობაში და საქართველოში დარჩენილ უკრაინელ ტურისტებს შეუძლიათ მიიღონ ყველანაირი სახის ინფორმაცია და დახმარება.
_______________
ფოტო: ტურიზმის ეროვნული ადმინისტრაცია
