რუსეთმა უკრაინის წინააღმდეგ სრულმასშტაბიანი ომი დღეს, 24 თებერვალს, დილით დაიწყო. რუსეთმა უკრაინის ქალაქები დაბომბა.
ახლახან უკრაინის პრეზიდენტმა ტვიტერზე დაწერა: „მოგიწოდებთ, დაუყოვნებლივ შევაჩეროთ პუტინი, ომი უკრაინისა და მსოფლიოს წინააღმდეგ. ანტიპუტინური კოალიციის შექმნა! სასწრაფო სანქციები, თავდაცვითი და ფინანსური მხარდაჭერა უკრაინისთვის! დაკეტეთ საჰაერო სივრცე! მსოფლიომ უნდა აიძულოს რუსეთი, მშვიდობას დაუბრუნდეს“
10:06 წუთზე უკრაინის პრეზიდენტმა ვოლოდიმირ ზელენსკიმ კიდევ ერთხელ მიმართა მეგობარ ქვეყნებს და მოუწოდა, რომ შეაჩერონ პუტინი. მისი თქმით, უნდა შეიქმნას ანტიპუტინური კოალიცია და დაუყოვნებლივ უნდა გაეწიოს უკრაინას როგორც ფინანსური, ასევე თავდაცვის კუთხით მხარდაჭერა.
დღეს უკრაინის საჰაერო სივრცეც ჩაიკეტა.
08:42 საათიდან უკრაინულ ვებსაიტებზე მასშტაბური კიბერთავდასხმა მიმდინარეობს.
08:33 საათზე აშშ-ის პრეზიდენტი ჯო ბაიდენი რუსეთის მიერ უკრაინაში ომის დაწყებას გამოეხმაურა და დასძინა, რომ „მხოლოდ მოსკოვია პასუხისმგებელი იმ სიკვდილსა და ნგრევაზე, რომელსაც ეს შეტევა მოიტანს. მისი თქმით, „მსოფლიო რუსეთს პასუხს აგებინებს“.
9:06 საათზე კი გაერთიანებული სამეფოს პრემიერ-მინისტრმა ბორის ჯონსონმაც გააკეთა განცხადება. მისი თქმით, ვლადიმერ პუტინმა უკრაინაზე თავდასხმით „სისხლისღვრისა და ნგრევის“ გზა აირჩია.
___
ვრცლად:
https://netgazeti.ge/life/593189/
