ბათუმის პოლიციის უფროსად ირაკლი დგებუაძე დაინიშნა. ის მანამდე ძველი თბილისის მთავარ სამმართველოში, მე-2 სამმართველოს უფროსის თანამდებობას იკავებდა.
32 წლის ირაკლი დგებუაძე ბათუმში სავარაუდოდ როტაციის პრინციპით ჩამოვიდა.
დღეს, 19 თებერვალს, ბათუმში ოპოზიციონერები, უმაღლესი საბჭოს დეპუტატები და ბათუმის საკრებულოს წევრები დააკავეს – ამ პროცესს სწორედ ირაკლი დგებუაძე ხელმძღვანელობდა.
ბათუმის პოლიციის უფროსი აქამდე ხვიჩა ქადაგიძე იყო. ქადაგიძე ამ პოსტზე გასულ წელს დაინიშნა.
იანვარში შეიცვალა აჭარის პოლიციის უფროსიც. ავთანდილ გალდავას ნაცვლად ახლა აჭარის პოლიციას გრიგოლ ბესელია ხელმძღვანელობს.
