ხომ არ იგეგმება აგრობარათების პროგრამის, თუნდაც გაზაფხულისთვის, ხელახლა ამოქმედება და შესაბამისად, ქულების დარიცხვა ბარათებზე? – საქართველოს გარემოს დაცვისა და სოფლის მეურნეობის სამინისტროში „ბათუმელებს“ უთხრეს, რომ ამ ეტაპისთვის აღნიშნული საკითხი არ განიხილება.
2020 წელს, სპეციალური სახელმწიფო პროგრამის ფარგლებში, აგრობარათებზე დარიცხული სუბსიდია 1 ჰექტარ მიწაზე 200 ლარს [აგრობარათზე დარიცხულ 200 ქულას] შეადგენდა. მაშინ სამინისტროში განაცხადეს, რომ პროგრამა ანტიკრიზისული გეგმის ნაწილი იყო.
აგრობარათზე დარიცხული ქულებით შესაძლებელი იყო გარკვეული სასოფლო-სამეურნეო საქონლის შეძენა სპეციალიზებულ მაღაზიებში.
დამატებით ქულები აგრობარათებზე არც გასულ, 2021 წელს დარიცხულა. ფერმერებს კი, გამოუყენებელი ქულებით სარგებლობის ვადა 2021 წლის 21 მაისამდე ჰქონდათ:
