ჯავახეთს დამახასიათებელი მკაცრი ზამთრის გამო საქართველოს ციმბირსაც უწოდებენ. ტემპერატურა წელიწადის ყველაზე ცივ დროს აქ -7, 10, 150C -მდეც კი ეცემა. საზღვრისპირა სოფელ კარწახში უკიდურესად მინიმალური -400C ტემპერატურაც დაფიქსირებულა.
ასეთი ზამთრის პირობებში ჯავახეთის ტბები გაზაფხულამდე იყინება. გაყინული ტბების ზედაპირზე ხშირად სრიალებენ ბავშვები, ყინულზე ჩვეულებრივად მიდი-მოდიან ზრდასრულები.
ჯავახეთში ჩასვლა ახლა რომ მოინდომოთ, შეიძლება ვერც ჩააღწიოთ, რადგან ფარავნის უღელტეხილი ზამთრობით ძირითადად იკეტება.
ფარავნის გაყინული ტბა/ანჟელა ბაბაჯანიანის ფოტო
არქეოლოგი ნინო პატარიძე, რომელიც ზაფხულობით ხშირად სტუმრობს ფარავნის ტბას, გვეუბნება, რომ მისი და მისი მეგობრების მცდელობა, ძველით ახალი წელი ეგზოტიკურ გარემოში გაეტარებინათ, რთულად წარიმართა:
„არქეოლოგიური ბაზა გვაქვს ფარავნის სიახლოვეს. ზამთრობით ფარავნის უღელტეხილი იკეტება და ახალციხით უნდა წახვიდე. ერთხელ ვცადეთ ჩასვლა ზამთარში თბილისიდან დელიკათი, ძველით ახალ წელს ჯავახეთში რომ შევხვედროდით და თოვლში ჩავრჩით, ტრაქტორმა მიგვიბა და არქეოლოგიურ ბაზამდე ასე მიგვიყვანა, სამი დღე დავრჩით იქ და მერე მთავარ გზამდეც ტრაქტორმა ატარა ჩვენი მანქანა“, – ამბობს ნინო.
ნინო პატარიძე მეგობრებთან ერთად, ჯავახეთში
ცოლ-ქმარი ანატოლი ჩივჩიანი და ანჟელა ბაბაჯანიანი ტბა ფარავნისპირა სოფელ ხულგუმოში (ტამბოვკა) ცხოვრობს.
ზამთრის ცივ დღეებში, როცა სადმე წასვლა უნდებათ გამოჰყავთ თოვლმავალი და გაყინულ ტბაზე სეირნობენ. ზამთრის ჯავახეთში სხვაგან ვერსად წახვალთ.
ცოლ-ქმარი ანატოლი ჩივჩიანი და ანჟელა ბაბაჯანიანი ფარავნის გაყინული ტბაზე სეირნობს. ისინი ტბისპირა სოფელ ხულგუმოში ცხოვრობენ
თოვლმავალი ჯავახეთის სოფლებში უკვე ბევრ ოჯახს ჰყავს. სოფელ ხულგუმოს ერთი დიდი თოვლმავალიც ჰყავს განსაკუთრებულად დიდი თოვლი თუ მოვა.
ფარავანი ზღვის დონიდან 2073 მეტრზეა, ეს ყველაზე დიდი ტბაა საქართველოში 37,5 კმ 2 ფართობით.
ამ ფოტოებზე თეთრად დაფარული ვრცელი ველი სინამდვილეში ტბის გაყინული ზედაპირია. ასე იქნება გაზაფხულამდე.
ტბაში რამდენიმე ადგილას წყალი შადრევანივით ამოდის. ზამთრობით ეს შადრევნები იყინება და აისბერგებს ემსგავსება.
ფარავნის ტბიდან წყალი რამდენიმე ადგილას შადრევანივით ამოდის. ზამთრობით შადრევნები იყინება და აისბერგებს ემსგავსება/ანჟელა ბაბაჯანიანის ფოტო
ფარავანი ყველაზე დიდი ტბაა საქართველოში, თოვლით დაფარული ვრცელი ველი სინამდვილეში ტბის გაყინული ზედაპირია/ანჟელა ბაბაჯანიანის ფოტო
ფარავნის გაყინული ტბა ზამთარში/ანჟელა ბაბაჯანიანის ფოტო
ჯავახეთი, სოფელი ხულგუმო/ანჟელა ბაბაჯანიანის ფოტო
________________
ფოტოები ჯავახეთიდან მოგვაწოდა ანატოლი ჩივჩიანმა და ანჟელა ბაბაჯანიანმა.
მთავარ ფოტოზე: თოვლმავალი გაყინულ ფარავნის ტბაზე
