ბათუმის მეორე საჯარო სკოლა 31 იანვრიდან ონლაინ სწავლებაზე გადადის კორონავირუსის შემთხვევების გამო – ინფორმაცია „ბათუმელებს“ სკოლის დირექტორმა, მარიზა აბაშიძემ დაუდასტურა.
სკოლის დირექტორის თქმით, ინფიცირებული არიან როგორც მასწავლებლები, ისე მოსწავლეები.
სკოლა, იზოლაციის და კარანტინის ვადების შესაბამისად, მინიმუმ 8 დღით გადავა ონლაინსწავლებაზე.
რაც შეეხება აჭარაში მდებარე სხვა სკოლებს, აჭარის განათლების სამინისტროში გვითხრეს, რომ ამის შესახებ ინფორმაცია ხვალ, 31 იანვარს გახდება ცნობილი.
