თურქეთის პრეზიდენტი რეჯებ თაიფ ერდოღანი რუსეთისა და უკრაინის პრეზიდენტებს შეხვედრას ანკარაში სთავაზობს.
„ორივე მხარის სურვილის შემთხვევაში თურქეთი მზადაა ორგანიზება გაუწიოს შეხვედრას. თურქეთს სურს, რომ დაძაბულობა რუსეთსა და უკრაინას შორის არ გაღრმავდეს და კრიზისში არ გადაიზარდოს“ – განაცხადა ერდოღანმა.
მისივე თქმით, იგი იმედოვნებს, რომ რუსეთი არ დაესხმება თავს უკრაინას. „ასეთი ნაბიჯი არ შეიძლება იყოს რაციონალური რუსეთისთვის და მთლიანად რეგიონისთვის,“ – ერდოღანის ციტატას გამოცემა „ანადოლუ“ აქვეყნებს.
გამოცემა ასევე აღნიშნავს, რომ ერდოღანმა კიდევ ერთხელ განაცხადა, რომ თურქეთი მტკიცედ უჭერს მხარს უკრაინის ტერიტორიულ მთლიანობას.
