მთავარი,სიახლეები

არარეგისტრირებულ ქორწინებაში 16 877 ბავშვი დაიბადა – 2020 წელი

22.01.2022 • 1201
არარეგისტრირებულ ქორწინებაში 16 877 ბავშვი დაიბადა – 2020 წელი

სტატისტიკის ეროვნული სამსახურის 2021 წლის ანგარიშის მიხედვით, 2020 წელს საქართველოში 46 520 ბავშვი დაიბადა.

  • ბიჭი – 24 289
  • გოგო – 22 231

2020 წელს საქართველოში 15-19 წლის ასაკის 1 000 ქალის მიერ ცოცხლად დაბადებული ბავშვების რაოდენობამ შეადგინა 27.3 კოეფიციენტი, ხოლო 20-24 წლის ასაკის ქალებისათვის – 103.3. სხვა ასაკობრივ ჯგუფებში აღნიშნული მაჩვენებელი გაიზარდა.

2020 წელს არარეგისტრირებულ ქორწინებაში 16 877 ბავშვი დაიბადა, რაც ცოცხლად დაბადებულების 36.3 პროცენტს შეადგენს.

რეგისტრირებული ქორწინების გარეშე შობადობის რეგისტრაციის სტატუსი ორი სახისაა: დაბადებულები, რომლებიც რეგისტრირებული არიან ა) მშობელთა ერთობლივი განცხადებით და ბ) მხოლოდ დედის განცხადებით.

ქორწინების გარეშე მხოლოდ დედის განცხადებით რეგისტრირებული დაბადებულების წილი მცირეა და არ აღემატება 7.6 პროცენტს.

სტატისტიკის მიხედვით, წინა წლებთან შედარებით 2020 წლისთვის შემცირებულია მკვდრადშობილთა რაოდენობაც.

2020 წელს სულ 410 მკვდრადშობილი დაიბადა, მათ შორის, 227 ბიჭი და 183 გოგო.

სტატისტიკის ეროვნული სამსახურს ჯერჯერობით არ გამოუქვეყნებია 2021 წლის მონაცემები.

გადაბეჭდვის წესი


ასევე: