საქართველოს სტატისტიკის ეროვნული სამსახურის ცნობით, 2023 წელს საქართველოში რეგისტრირებულ იქნა 22 275 ქორწინება, რაც 14.5 პროცენტით ნაკლებია 2022 წლის შესაბამის მაჩვენებელთან შედარებით.
სტატისტიკის თანახმად, საქართველოში პირველი ქორწინების საშუალო ასაკი ქალებისთვის შეადგენს 29.7 წელს, ხოლო მამაკაცებისთვის – 32.1 წელს.
2023 წელს ყველაზე მეტი წყვილი დაქორწინდა თბილისსა და იმერეთში, ყველაზე ცოტა – რაჭა ლეჩხუმსა და ქვემო სვანეთში.
ამავე დროს, 2023 წელს საქართველოში 13 664 წყვილი განქორწინდა, რაც 3.1 პროცენტით ნაკლებია წინა წლის შესაბამის მაჩვენებელთან შედარებით.
