Batumelebi | „სოფლის გზები გაუწმენდავია, ბავშვები 2 დღეა სკოლაში ვერ მიდიან“ – ქობულეთი „სოფლის გზები გაუწმენდავია, ბავშვები 2 დღეა სკოლაში ვერ მიდიან“ – ქობულეთი – Batumelebi
ნეტგაზეთი • RU

„სოფლის გზები გაუწმენდავია, ბავშვები 2 დღეა სკოლაში ვერ მიდიან“ – ქობულეთი

„ქობულეთის სოფლებში შიდა გზები გაუწმენდავია, რის გამოც ბავშვები სკოლაში ორი დღეა წასვლას ვერ ახერხებენ“ – მოგვწერეს „ბათუმელებს“ სოფელ ხალადან.

„ბათუმელები“ ქობულეთის მერიას დაუკავშირდა და ჰკითხა, რამდენ სოფელშია ამ დროისთვის შიდა გზები გაწმენდილი და რამდენში – არა.

ქობულეთის მერიაში გვითხრეს, რომ დღეს, 18 იანვარს, ტექნიკამ მუშაობა ყინვის გამო ვერ შეძლო.

„როგორც საგზაო დეპარტამენტში გვითხრეს, დღეს ყინვის გამო ვერ შეძლო ტექნიკამ მუშაობა და თუ ამინდმა ხელი არ შეგვიშალა, ხვალ გავაგრძელებთ მაღალი ზონის სოფლებში გზების გაწმენდასო. სოფლების ცენტრამდე გზები გაწმენდილია, შიდა გზების გაწმენდა დაიწყება ეტაპობრივად, მაგრამ ამ დროისთვის რამდენ სოფელშია გზები გაწმენდილი, ზუსტი ინფორმაცია ამაზე არ გვაქვს. ძირითადად, მაღალმთიანი სოფლებია დარჩენილი,“ – გვითხრეს ქობულეთის მერიაში.

მათივე ინფორმაციით, ქობულეთის მუნიციპალიტეტში 50 სოფელია. შიდა სასოფლო გზები გაუწმენდავია სოფელ ჭახათში, ქაქუთში, ხალასა და ჩაქვისთავში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com