ხულოს მუნიციპალიტეტში თოვლის სიმაღლე 2 მეტრამდეა. ზოგიერთ სოფელში თოვლმა სკოლა თითქმის დაფარა. სკოლაში შესასვლელად მოსახლეობას თოვლში გვირაბის გაკეთება უწევს.
ასეა სოფელ დანისპარაულში. ეს სოფელი ზღვის დონიდან 1520 მეტრზე მდებარეობს, კურორტ გოდერძის მახლობლად. თოვლში მხოლოდ სკოლის სახურავი ჩანს.
თოვლში ჩაფლული სკოლა სოფელ დანისპარაულში, ხულოში.
ეს სოფელ კორტოხის საჯარო სკოლაა. ეს პატარა სოფელი ხულოში, დიოკნისის თემში მდებარეობს. სკოლაში 44 მოსწავლეა. სკოლაში ამბობენ, რომ სახურავი უკვე 6-ჯერ გადმოთოვლეს. დღეს სკოლაში სასწავლო პროცესი მიმდინარეობს.
თოვლით დაფარული სკოლა სოფელ კორტოხში
თოვლით დაფარული სკოლა სოფელ კორტოხში
თოვლით დაფარული სკოლა სოფელ კორტოხში
ეს კი სოფელ რაქვთის საჯარო სკოლაა. ხულოს ამ პატარა სოფელში 400-მდე ადამიანი ცხოვრობს. დიდთოვლობის მიუხედავად, სკოლაში სწავლა მიმდინარეობს.
თოვლით დაფარული საჯარო სკოლა სოფელ რაქვთაში. გულნარა სურმანიძის ფოტო
თოვლით დაფარული საჯარო სკოლა სოფელ რაქვთაში. ანდრეს შაინიძის ფოტო
უახლოეს დღეებში მაღალმთიან აჭარაში კვლავ თოვაა მოსალოდნელი.
